السلام عليكم ورحمة الله وبركاته..

حبيت اني اتكلم اليوم عن موضوع حاصل بالمنتديات وانا حبيت اني اعرض عليكم هالموضوع لانه خطير ع منتدانا المحبوب وهو من الاسباب اللي تخلي الاعضاء يشردون من المنتدى.. الموضوع هو ( مغازل الشباب للعضوات ) الصراحه انا كم مره شفت هذا الشي وانصدم من ناس انهم يتحرشون بالعضوات فالمنتديات.. بدل ما يكون شغله الشاغل الاستفاده من المنتدى يكون كل تفكيره انه يجمع اكثر عدد ممكن من الايميلات لللبنات الموجودات عندنا بالمنتدى.. ارجوا من الاشخاص اللي من هذي النوعيه انهم يتجنبون هذي الاشيا لانها تضر المنتدى اكثر مما تنفعه واللي يدور ايميلات للبنات اعتقد ان مواقع التعارف ممزوره ع النت للي يدور هالاشيا اما المنتديات للمنفعه .. واحب اذكر هؤلاء الاشخاص ان معضم البنات الموجودات في المنتدى ترى لهم اخوان كذلك فالمنتدى يعني اذا هذا الشي وصل عند اخوانهم بتصير مشاكل بالمنتدى مالها اول ولا تالي.. ارجوا من الاداره الانتباه على مثل هذي الاصناف واتخاذ التدابير اللازمه وعدم التعاطف معهم..\


السموحه منكم اخواني اذا جان اخطينا بحق حد ولاكن انا انجبرت اني اكتب هذا الموضوع بعد ما تعرض شخص عزيز وغالي علي لهذا الشي..

كلام جميل ايتها المُبدعه

وحقيقه ابدعتي فيما تعرضتي له

وطرح قيم منك يالغاليه لهذا الموضوع

فهو اصبح آفــة اكثر المنتديـات

وسبب خروج اعضاء لهم اسمهم ومكانتهم وكذلك كان لأقلامهم صدى مسموع وزوار يقصدون كتاباتهم

ولكن بسبب هذا الأزعاج فضل اكثرهم الأنسحاب خشية الوقوع في المحظور !!

::

اشكرك مرة اخرى على هذا الطرح

::
:
دمتِ بخير

فتاة القلم

انتي المبدعه في ردودج الرااائعه

منوووره يا قلبي موضوعي

المنتدى وضع لرساله نبيله وتوعية مجتمعنا وليس العكس
وسنحاسب يوم القيامه على كل خطوة قمنا بها
وانا من هنا اوجه رساله لكل شاب يحاول الايقاع بإخت لنا في المنتدى او مضايقتها سيكون مصيره مصير إلي قبله وكذالك الرساله للبنات ,,
كل معصيه لله من اي عضو انا من سيحاسب عليها يوم الحساب
واجب على احمي كل شخص يشارك في هالمنتدى سوا كان شاب او فتاة
والحمدلله هذا الي صاير وكل صغيره وكبيره مراقبه وحتى لو تجاهلنا البعض فـ للصبر حدود
واي شي من الاعضاء خارج المنتدى لايعني لنا بشي ( حريه شخصيه )

مشكوره شمس على التنبيه
الله يعطيك العافيه ,,

جميل اختى شمس الغرووب


بس اعتقد الى يشارك بالمنتدى يمكن انة يبا يستفيد

بس طلب الايمل اعتقد انة كلام فاضى

بس من الاروع انك تستفيد


يعطيج العافية

شمس الغرووب

الصراحه شرفت موضوعي بمرورك الجميل اخوي دموع

واتمنى ان الكل ينتبه ^_^

نوووورت صفحتي والله لا يحرمني من ردودك الحلوه

الله يعافيك اخوي بدوي

ومثل ماقلت الاروع الاستفاده من المنتديات

منووووور خيوووو ^_^

اول شي مشكورة الغلا عالموضوع الحلوووو

انتي كاتبه مغازلة الشباب للعضوات وانا اقولج مب كل الشباب

ليش ما تكون مغازلة البنات للاعضاء ^^ طبعا مب كل البنات

انا ليش قلت هالشي لان نحن مانعرف شو يصير في الرسايل الخاصه

اذا الطرف الثاني رد على الرساله يعني هو موافق على المغازلة

وانت مارد واحلى طااف خلاص الشخص بيحس ان الطرف الثاني مب حاب هالتعارف وينتهي


هذا ردي بالموجز ^^ والسموحه

وانا ما انكر ان بعض البنات اهم الي يبدئون المغازله

بس سالفة الرد احس انه قلة ادب اذا حد طرش رساله فيها

سؤال ومارديت عليه لان يمكن انا نفسي في يوم من

الايام احتاج اسأله شي ومايرد علي

هذا بالنسبه لي وكل واحد وله رائيه الخاص ^_^!!

منووووره يالغلا بمرورج الحلوووو وتعليقج الاحلى