برنامج [ عضو في ورطة ] .. الحلقة الرابعة مع ( شمس الغروب )

°ô M O D I ô° · 09-25-2007, 05:44 AM

مبارك عليكم الشهر .

بداية .

فكرة جديدة ترسم الأبتسامة للقارئ . والمتعة للمشاهد .
في
شهر فضيل . وكريم .

أود أن أقدم أعتذاري للأخت شمس الغروب . وأوجه إليها الشكر الكبير لدماثة خلقها وأدبها الجم .

شمس الغروب

مشرفة سامية كسبت ود الكثير . والأشراف هو من يتشرف بها والمنتدى هو من يهنئ نفسه بهذه المشرفة الفاضلة

الحلقة الرابعة في منتهى الروعة .. وتكمن روعتها في أدب وأحترام شمس الغروب ( رغم أنها تدبس ) .. لكن ماشي خخخخ

البداية كالعادة من °ô M O D I ô° الملقوف أرسلت عنوان رسالة ( بدون زعل )

اقتباس:

لسلام عليكم ورحمة الله وبركاته

كل عام وانتي بخير

اختي الغالية

بدون زعل أختي أنا تصفحت القسم اللي أنتي مشرفه عليه وشاهدت أن أغلب المواضيع فيها عنصرية لمناطق لا لأخرى فأنتِ مسؤولة أمام الله عن هذه الموضوعات ستقولي ما دخلك أنت ؟ أنا أنسان أحببت نصيحتك ولم أحب أن أبلغ الأدارة لأنه لن يعجبها هذا الوضع

مع الشكر لك وبأنتظار ردك بفارغ الصبر

طبعاً أنا الرأي من ( عقلي ) ولم أشاهد القسم ( حتى ) وأجزم أنه غير عنصري . لكن ( مدخل ) للورطة خخخ وبالفعل التوريط جاء

اقتباس:

وعليك السلام ورحمة الله وبركاته

وانت بالف خير ان شاء الله

يشرفني انك تتابع قسمي وعلى النصيحه انت اخ عزيز وغالي

وانا انسانه اتقبل النصيحه بس يا ريت تفهمني كيف المواضيع

فيها عنصريه لمناطق لا لأخرى

وعلى سالفة اني اقول انت شو دخلك !!

فاعرف انك عضو فالمنتدى لك دخل ويشرفني اني اسمع رايك اذا انا غلطت

في شي لاسمح الله وما انتبهت فنبهني وكلنا في هالمنتدى

اخوان وخوات

ونقبل النصيحه والتنبيه من الاعضاء الآخرين

ومشكور على هالرساله ومافي زعل ان شاء الله

أسلوب ذووق وأدب وفير . وفيه أستغراب عن العنصرية خخ

اقتباس:

اختي أشكرك على الرد السريع أولاً .

ثانياً أنا أقصد أنتي أماراتية والأشعار كلها أماراتية وبحكم معرفتي أن العنصرية في الموضوعات ممنوعه ولا ؟ أتمنى أني ما احرجتك بصراحتي وأتمنى نشوف حل مع العنصرية

كلام قاسي حبتين أنا نفسي ما تعودت عليه خخخ

اقتباس:

اولاً: لا شكر على واجب

وثانياً :لا احراج ولا شي الحين فهمت قصدك والصراحه حلوه

بس القسم مفتوح للكل وكل واحد يحط الشعر الي يبيه وباللهجه الي يبيها

انت ادرى اني ماقدر اتحكم بانواع الشعر الي يكتبونها او ينقلونها

واذا كان قصدك الاشعار الي انزلها بحاول اجيب

اشعار باللغه العربيه وباللهجات الثانيه

وبعدين نحن مشرفتين انا من الامارات وشموخ بدويه من الكويت

وان شاء الله نلقى حل للعنصريه هاذي بس ياريت اذا عندك اقتراح

تخبرني فيه اذا ما عليك امر

بالطبع البنت كانت بطلة الفلم وبجدارة وأستمر يجري على حل العنصرية الذي قلته

اقتباس:

السلام عليكم ورحمة الله وبركاته

أختي الغالية

الحل سهل جدا هو عدم التكرار والتراجع عن العنصرية بأعتذار تنزليه في المنتدى في قسمك . هو الأسهل أظن

ولا ما رأيك

مودو أي عنصرية خخخخ °ô M O D I ô° وش تعمل أنت كوارث خخخ . يامر وينهي على مزاجه ههههه

جاءني الرد سريعاً من العزيزة

اقتباس:

وعليكم السلام ورحمة الله وبركاته

يعني قصدك اني اكتب مثلاً موضوع فالقسم عن الاشعار الاماراتيه

وانهم يتجهون الى اشعار باللهجات الثانيه

واسمحلي يا خوي اذا فهمي بطيئ

البنت مو مستوعبه وبنفس الوقت قلبت الدنيا فوق تحت تكلم الأدارة عني قلت مالها الا نتكلم في الشخصنه ونتهمها لأن اذا زودنها ممكن تزعل

اقتباس:

أختي كلامي واضح بس شكله مو عاجبك لانك اماراتية وعنصرية مع دولتك
أنا ما حبيت أخبر سامي عن اللي سويتيه قلت يمكن تسمع مني الكلام بس شكلك ما تبغي للاسف
عزيزتي أنا نصحتك وفي رمضان عن اخطاء اشرافية متعمدة منك وأنتي تتهربي شكلك

متعمدة يا راجل خخخ عجيب خخخ وجاء الرد الأكثر [ سخونه ] بعد ما طفح الكيل من شمس الغروب

اقتباس:

يا خوي والله اني ما اتهرب ولاني عنصريه مثل ما تقول وهاذي مب اخطاء

متعمده مثل ما تقول وماعندي شي اتهرب منه او اخافه

وبعدين انا شو الي سويته عشان تقولي هالكلام اذا في شي مب عاجبنك

قول للأخ سامي انا ماعندي مانع لاني والحمد لله ماعندي شي اخافه

وانا قلتلك الشي الوحيد الي اقدر اسويه اني انزل موضوع في قسمي

بهالخصوص اكثر من جي ماقدر

واعذرني عالقصور

شعرت وقتها أني كنت جريء زيادة وظلمتها بالمزح الثقيل رغم أنه مزح لكن ضميري ائنبني بعد ما لعبت بأعصابها وكل ما تقولي يمين أقول يسار والشخابيط اللي أقولها أعتذرت لها .

وأتاني الرد الذي أخشى أن يكون زعل حقيقي من الأخت شمس الغروب

اقتباس:

الله يسامحك

لاني قلت لدموع عشان يدخل بينا لاني ماحب تصير حساسيه

بيني وبين اي عضو فالمنتدى

عالعموم صار خير انا الحين طالعه

مع السلامه

الكل عارف أن هذا برنامج ومرفوع الزعل .. وما يأتي الزعل من مشرفة غالية على قلوبنا معروفة بأخلاقيتها العالية وأسلوبها الجميل . وهذه الصفحة تكون لها صورة رائعة لدى كل من يشاهد الموضوع للتعامل المثالي والأخلاق العالية

المعذرة عزيزتي من كل وجداني . وهذه طبيعة البرنامج . والحلقة هذه من أروع وأجمل الحلقات . إن لم تكن الأجمل .. عرفنا بها عفوية شمس الغروب ..

فالك طيب عزيزتي .. والمعذرة ..

القادمـ أجمل

Dмọэ AỊğявн · 09-25-2007, 09:10 AM

لوووول
صراحه الاخت شمس الغروب وحده من الناس الي اغتدى بإخلاقها واحترامها للغير
وكنت متوقع من شفت العنوان انها هي احرجتك باخلاقها ومستحيل تتهجم ..
مع انه اسلوبك استفزازي ويقهر كانك تدور المشاكل

مشكور < مستعجل يبي يروح الصفحه الثانيه ويشوف ابو السلف لوووول

نبض القلب · 09-25-2007, 11:05 AM

هالمره ما قدرت على شموسه ههههههههههههههههههه

شموسه انتي قدها ما شاء الله عليج

ساامي انا بعد ابا اشوف الموضوع الثاني لوووووووووول

شمس الغروب · 09-25-2007, 04:46 PM

هههههههههههههههههههه

صراحه مايا على بالي ابداً انه مقلب

واستغربت من سالفة العنصريه!!

وعلى سالفة كلامي للإداره هاذي الرساله الي طرشتها للأخ سامي

اقتباس:

المشاركة الأصلية كتبت بواسطة شمس الغروب

السلام عليكم ورحمة الله وبركاته

اخوي سامي اتمنى انك تتفاهم معا اخوي مودي بسالفة العنصريه

الي هو يقول عنها لاني ماقدرت اوصل معاه لحل

وفالنهايه اتهمني اني عنصريه لدولتي وان الاشعار الي في قسمي

كلها اماراتيه معا اني قلتله اني اكتب موضوع انبه فيه الاعضاء انهم

يتجهون للهجات ثانيه بس الله يهديه قال انه بيخبرك على الي

سويته معا اني ما سويت شي والحمد لله

واذا تبي انا مستعده احولك كل الرسايل الي صارت بيني وبينه

والسموحه منك اذا ازعجتك بس انا ماحب انه تكون في

حساسيه بيني وبين اي عضو فالمنتدى

مع السلامه

وعلى فكره انا فالاساس ما زعلت منك بس كنت مستغربه

وقلت يدخل الاخ سامي يشوفلي معاك حل لانك ما شاء الله عليك سديتها في ويهي

وكل ما اقول شي تييبه عكس وآخر رساله انا كنت مستعيله

وماقدرت اكتب فيها شي غير الي انكتب فيها يعني خير الكلام ماقل ودل

ومشكور على هالمقلب الحلو

بدوي بقراطيسة · 09-25-2007, 09:09 PM

هههههههههههههههههههههههههههههه

هى حلووووووة والله

بس مشاء الله على شمس الغروب

ذكية وانت مقدرت عليها ههههههههههههه

يعطيك العافية اخوى

فتاة القلم · 09-26-2007, 08:07 AM

ههههههههههههههههههههههههههههه
هههههههههههههههه

يااالبــى قلبــج شموووسه

وربي شنو ها الذوق والرقه اللي فييج

ردودج كلها كانت ذووق واسلووب راقي

مشاءالله عليج ربي يحفظج
::
وانت ياامودي

ماعورك قلبك وانت ترسل لها ها الرسايل وشلون طاوعك قلبك

بس تبي الصراحه

فكرتك كانت وااايد حلوه

من خلالها نتعرف ع الأعضاء اكثر

مع ان توني يديده ع المنتدى بس احس نفسي من زماااان وإيااكم

الله يعطيكم العافيه

ღحلآهآ مبتليهآღ · 09-26-2007, 07:43 PM

ههههههههههههههههه

عاشت شموس

يعطيج الف عافية حبيبتي

وتكبرين وتنسين

ومودي عساك عالقوة اخوي

<< وانتو مقالبكم ماتحلى الا في البنات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)