السلام عليكم ورحمة الله وبركاته


شحاالكم يا اعضاء دموع الغربه ^^

كل واحد فينا سافر واكيد بسفره صار معاه موقف مضحك او مواقف عمره ما

ينساها ^^

والحين كل واحد فيكم يخبرنا شو هالموقف المضحك اللي صار معاه وشو كانت ردت فعله في السفر لووووووووووووووووول

اتمنى مشاركة جميع الاعضاء

فكره حييييييييييل حلوووه

وموضوع مشوووق حده

لي رجعه له

تسلمين يالغلاا

لوووووووول

موضوع رووعه

الموقف الي صار معاي الله يسلمكم خخخخ

اختي كانت قاعده تتسوق قلت لها انا بروح اقعد برا قالت اوكي

المهم رحت الا في واحد يمي الا يقولي انتي عربيه قتله اي الا يقولي تشرفنا

مااشوفه الا لصق فيني الا تم يسالني انتي من وين وشنو اسمج قتله مادري كل ماسالني سؤال اقوله مادري آخر شي قمت عنه وقعد يضحك

الا دخلت المحل ع اختي وانا ميته من الخوف الا اتقولي وينه ذي لين طلعتي اشري عليه وانا بكشر بويهي يازعم معصبين بس حسافه يوم طلعنا اهو محد راح لكن قمنا نضحك لا وطلع مغربي مادري تونسي بعد خخخ

لوووووووووووووووووووووووووووول

والله طلعتي خواافه شك شك

لوو انا منج عطيته طرااق واهو شكو يسئل

<<مجرمه البنت

اي تذكرت هالموقف

يماااااااااااااا الله لايعيدهاا من موقف

قبل جذي ثلاث سنوات كنت مساافره لندن رحلة علاج مع خيوو الصغير

وفي يوم من الاياام صاارت الساعه 9 ليلااا الا امي تبي ملح علشاان تسوي الكبسه كنااا ميتين عليهاا شنو نسوووي تمر ايام ماناكل مكابيس


المهم ماكو ملح يعني شلوون نسوي كبسه مااصخه فقلت حق امي انا انزل اشتري الشارع للحين فيه عرب وعوايل والبقاله قريبه يمنا وخذيت اختي اصغر مني بسنه


وقعدنا نتمشى ونسوالف واخذتنا السوالف وماندري بعمارنااا الا احنا داششين بين عمارتين ممر ضيج وظلمه وكله جلاابه عزكم الله وزباله وريحه خاايسه

الا تطلع جدامناا عصاابه عبيد خوال وحركات وووشم وشكالهم تخرع وااااااااااااااااااااااااااااو

يالخووف شل حركتي ساعتهاااا واختي امسكتني على طووول

كان بينا وبينهم تقريبااا 10 او سبع امتار اشووه يعني المساافه يمديني ننحااش

جان اللف اللفه وارفع رجلي هوووووووووووووووووووك وادووس انا واختي>>>للحين ماتدري شلوون لها قلب تعطيهم ظهرهااا


وركض وركض وركض خلاص تعبت هلكت بس مااتذكر إني لفيت وراا خفت يطلعوون بوجهي

هههههههههههههههههههه

دشينا العماره احنا كنا ساكنين بالدوور السابع وكنا كل يووم نتهاوش على الاسنصير هالمره ماقدرنا ننركه موجود فيه احد
على طوول رحناااا للدرج نركض نركض درقن درقن

تخيلوا 7 ادوار ركض على ارجولنااا متنااااااااااا ماكنا حاسين بتعب<<<الاا ماالحقووج

لووووووووووووووول


ولما وصلنا الدور الا ولد جيرانا اماراتي بوجهناا دعمنااهاا وكملناا اهو واقف مستغرب يقوول اشبلاكم

اختي و كشتهاا كانت تبجي حيل انا كنت سااكته وماسكتهاا

لوووووووووول تووحفه والله

مفتاح الشقه كان ويااي تخيلووا من الخووف مااقدرت ابطل الباب صارخت انادي امي

امي افتحت الباب متخرعه علينا وبعدت من الباب وانا على طوول دشيت دخلت اختي سكرت الباب حذفت المفتااح تسندت عللى الباب اهني بجيت لين قلت بس تخيلوا عشر دقايق اخذ نفس مو قادره نفسي ضااع وامي تصارخ علينااا


اخر شي عقب ماهدااا الوضع قلنا لامي ساعتها امي بجت وخافت علينااا

وصرناا ننلوم نفسناا

يااااااااااااااااااااااوك تخرعت مت هلكت




على طوول يووم ابوي درى باللي صاار ردانا الكويت باول طاايره

ولا انا
تعرفون شو ستوى
انا بخبركم..

ونحنا فطريج سايرين السعودية وصلنا منطقة فالسعودية أسمها ( الخرج)

ابوي قال بنريح يوم وبنكمل دورنا فندق والحمدلله حصلنا ويلسنا فيه ورقدنا نشينا الصبح بدلنا ثيابنا ويوم طلعنا ركبنا السيارة
يوم طلعنا من باب الفندق بالسيارة صديت ورا اشوف وماشفت الا مسؤول الفندق يركض ورانا قلت حق ابوي وقف شو يبغي الريال ويوم وقفنا طلع ان ابوي ناسي جوازه .. لوووول

لو الحين كملنا وصلنا الرياض شو بيستوي اضني بنرد نرجع مرة ثانية.. بنسبة لي كان موقف يضحك

لووول



تقبلي مروري

شموخه فلم امريكي صار لج لوووووووووووووووول

الله ستر الحمدالله ما صار شي


كتكوته زين والله طلع ولد حلال راعي الفندق لوووووووووووووووول

اي والله بغيت ارووح فيهاا وماايكون عندكم عضووه تغثكم